ازاى ترخم على اخوك وهو نايم ؟؟؟؟؟؟؟؟؟؟؟؟؟

**Admin**

لو مثلا اخوك نايم وانت مرارتك مفقوعه منه ادخل افتح نور الاوضه اللى هو

1-نايم فيها واانت خارج ماتنساش تقفل الباب علشان مهما نده على حد يطفى
النور ماحدش يسمعه وبكده يصحى غصب عنه

2_ لو حضرتك قاعد على الكمبيوتر وجالك مزاج تسمع اغنيه مش تشغل
الهيتفون والكلام الفارغ ده .......لا منك للسبوفر على طول واعلى صوت يا
باشا وياسلام لو الاغنيه دى تنطيط وكده يعنى علشان تقرف اللى نايم
بصوت الدبدبه بتاع الاغنيه

3_ تجيب كوبايه ميه وهو فى عز نومه تقوم واخد حبه وراشش عليه واطلع اجرى
علشان لما يصحى ميلاقيش حد بيرش عليه ...والمسكين هيفتكر نفسه يا اتهبل
يا اما السقف بتاع البيت بقى فى الطراوه وفى الحلتين تطلع انت براءه يا
نجم ولا كأنك عملت حاجه...وبردوا تبقى قرفته وطلعته مجنون

4_ تروح تصحيه من النوم علشان تساله الساعه كام دلوقتى هيقولك مثلا
الساعه خمسه تقوله اه صحيح فعلا تصدق ان ساعتك طلعت مظبوطه

5_ بص ياجميل علشان بقى تصحيه فعلا وتتاكد كده انه صحى وفاق وبقى ميت فل
وعشره تعمل ايه يا جميل هقولك انا............ .. انت تكون قاعد وطافى
كل انوار البيت ومشغل فيلم رعب جامد زى dead alive تقوم معلى الصوت على
الاخر واول مايجى مشهد مرعب تفصل تصوت وتقول لالالالالالالالا حرام عليك
ارحمنى انا مش قدك يا لهوى يا مصيبتى الحقونى ...واول مايجى الشخص اللى انت
عايز تصحيه ويسالك فى ايه مالك تقوله ابدا اصلى كنت بتخيل المشهد اللى
هيجى بعد ده وبتخيل البطل كان هيعمل ايه يعنى ...روح نام روح ...وطبعا
مش هيروح ينام من فيلم صراع الطبقات اللى انت عاملهوله ده

6_ لو عايز تصحيه وتقهره على شبابه خليك كده ايزى اطفى التليفزيون وخلى
جو البيت هدوء وباعلى صوت عندك زى اى بقره او جاموسه قول... التربتو
التربتو..... وطبل وسقف كأنك فى اجدع فرح لبنت العمده وزغرط لزوم الشغل
بردوا .....وقول وعقبال عندك يا **** ....ونازله السلالم وقول كام اغنيه
شعبى كده واعمل كوكتيل جامد ...وغنيه بطريقه غبيه كانك بتتخانق ...لو
صحى وقالك فى ايه قوله ابدا بفكر ابقى مطرب شعبى ....او ناوى اقدم فى
برنامج سوبر استار(خلف الاسوار)...ودى بتكون نهايتك ياحلو

بصوا ياحلوين انا اه فعلا قولتلكم ازاى تقرفوا النايم بس انا مش مسئول عن اى اصابات هتحصلكم
لان رد الفعل هيكون شديد اوى يعنى لو جالنا عضو مره وايده مكسوره او رجله مكسورة او فيه اى اصابات مليش دعوة pirat

_________________

اســـ الاحزان ـــير

**Admin**

الوضوع ده عن تجربه وبسببها انا مش بكلم اخويا لحد دلوقتى

Laughing

ههههههههههههههههههههههههههههههههه

_________________

اســـ الاحزان ـــير

**سيف الاسلام**

الاول مشكوووووووووووووووووووووووووووووووووووووووووووووووووررررررررررررررررررررر
ثانيا بقا وده الاهم الله يخرب بيتك
انا دماغى لحد دلوقتى مفتوحة بسبب حضرتك
ثالثا بقا حسبى الله ونعم الوكيل
التوقيع ابو دماغ مفتوحة
سيف الاسلام
Sad

**Admin**

ليه والنبى انا عملتلك ايه يا عم عشان خاطر ربنا انا بكتبلك مواضيع عشان نضحك

Exclamation

_________________

اســـ الاحزان ـــير